【息賺】揀REIT領展秤先？

 

領展房產基金(00823)上市以來平均總回報、股價回報，以及過去五年股息增長率，都係一眾房託(REIT)中表現最突出。如果計股息增長率，除咗置富產業信託(00778)同陽光房地產基金(00435)稍為追貼領展外，其他股息增長都較慢。

 安泓投資總監楊書健表示，REIT嘅股息增長率，主要由收入增長主導，上述三隻REIT營運策略好，每年都可以穩定咁加到租，而且喺投資買賣方面都做得唔錯。此外，發新股等融資方法都會影響股息增長表現，反之，如果好似領展咁回購股份，就有助加快股息增長率。