【息賺】房託股焦點要轉移？

一眾房託股之中，領展房產基金(00823)近期升勢稍為放緩，反而冠君產業信託(02778)同置富產業信託(00778)股價表現突出，市場係咪轉移緊焦點？

安泓投資總監兼香港大學房地產及建設系客席副教授楊書健話，領展股價長期高於帳面值，亦冇咩回購空間，相反冠君同置富股價較每股資產淨值(NAV)仍有大折讓，有空間發新股融資買新產業，所以當領展股價貴時，兩者就乘勢跑出。

楊書健又為，冠君主要係管理辦公室，如果要買新資產，就必定要靠發行新股融資。至於置富主營民生商場，加上又係長和系一份子，估計只要有幾億元收入，就可以再買新商場。